كلاب الشارع من أجمل وأطيب المخلوقات
ريم أبو عيد
كل الكلاب اللي في الفيديو ده كانت أول مرة أشوفهم وأغلبهم مشوفتوهمش تاني.. يعني مش متعودين عليا ولا أصحابي من فترة.. وبالرغم من كده مهاجمونيش ولا أذوني لما قربت منهم علشان أحط لهم أكل.. الكلاب دي صورتها على فترات متباعدة وفي اماكن مختلفة.. وجمعت الفيديوهات في فيديو واحد علشان تشوفوا بنفسكم إن كلاب الشارع مسالمة جدا.. منهم كلاب في حدايق الأهرام وكلاب في شارع نبيل الوقاد مصر الجديدة وكلاب قدام عيادة Petzinia ودول بيبو وبوسي مكنتش أعرف إن لهم أسماء فكنت بفكر لهم في أسماء.. بس عرفت إن اسمهم بييو وبوسي.. بيبو شبه صدفة فلما قرب مني يلعب معايا وكانت أول مرة أشوفه افتكرته صدفة بس بعد كده لاقيته ولد مش بنت.. وعرفت ان اسمه بيبو.. بوسي وبيبو كمان متطعمين ضد السعار علشان نحميهم من المرض ده ونحمي الناس كمان منه.. أما الكلبة اللي قابلته في شارع أحمد تيسير فدي جريت عليا تلعب معايا مع إنها مشافتنيش قبل كده خالص.. بس بقيت متأكدة إن الكلاب بتحس فعلا باللي بيحبهم وبتبادله كمان نفس المشاعر حتى لو متعرفوش.. كلاب الشارع أجمل وأطيب مخلوقات ممكن تقابلوها في طريقكم.. كلاب الشارع المصري من حقهم الحياة زي ما هي من حقنا..
ليست هناك تعليقات:
إرسال تعليق