شقاوة قربت تولد
ريم أبو عيد
رحت النهارده كعادتي كل يوم أودي أكل لصاحبتي
شقاوة وأطمن عليها لاقيتها قاعدة تحت الزرع اللي محاوظ الجنينة وشكلها على وشك
الولادة.. حطيت لها أكل مرضيتش تاكل في الاول.. كان كل همي ابدأ اجهز لها مكان آمن
تولد فيه ويبقى محمي من الناس والمطر والبرد.. كلمت مي صاحبتي اللي بتشتغل في
مؤسسة الفرسان لذوي الاحتياجات الخاصة اللي في شارعنا.. وجيبنا كرتونة كبيرة ورحت
اشتريت مشمع علشان اغطي الكرتونة بيه علشان احميها من اي مطر محتمل.. واشتريت
مشاية علشان افرشها فيها وتبقى دفا وملايات قديمة من عندي في البيت علشان احطها
فوق المشاية وتبقى ناعمة.. وطبق مية وجهزنا كل حاجة انا ومي.. وحطينالها الاكل
قدامها مرة تانية والحمد لله أكلت.. رحت أطمن عليها بالليل وتصورت تكون ولدت
لاقتها نايمة في باب البنك في الدفا بس خلاص شكلها قربت تولد.. ادعوا لها تكون
بخير وتولد من غير تعب.. أنا بدعي لها ربنا يحفظها ويحفظ جراويها.. شقاوةالغالية
لها مكان خاصة في قلبي..
ليست هناك تعليقات:
إرسال تعليق