تطعيم كلاب شارعنا ضد السعار
ريم أبو عيد
حبي لكلاب الشارع مش مجرد كلام وبس.. حبي لهم بترجمه دايما لأفعال.. بأكلهم.. وبراعيهم.. وبعاملهم برحمة.. وبلعب معاهم.. كمان فكرت أطعمهم ضد السعار علشان ميبقاش فيه حجة لأي حد إنه يأذيهم بأي شكل.. أنا طبعا بفهم الناس في الشارع إن الكلاب دي مسالمة ومش مؤذية ومش بسمح لحد أصلا إنه يمسهم بأي أذى.. بس كمان مهتمة أطعمهم ضد السعار علشان يبقوا في أمان من أي احتمال للإصابة بالمرض ده وفي نفس الوقت أحمي الناس.. أنا كنت عقمت أربع كلاب قبل كده وطعمتهم.. بس لأن تكاليف التعقيم بالنسبة لي لوحدي كتير.. قررت أطعمهم مبدئيا ضد السعار.. ولما أعلنت عن رغبتي دي على صفحتي على فيسبوك.. لاقيت د. أحمد بركات وهو صديق عندي بيقولي هيتبرع لهم بأمصال السعار مجانا.. وبالفعل أخدت الأمصال منه.. وجاري د. مصطفى عمر اتبرع بوقته ومجهوده وطعمنا النهارده السبت 11 يناير 2020 أربع كلاب.. اللي عرفنا نمسكهم.. واتفقنا كل اسبوع نطعم كلب او اتنين كمان.. لأننا عرفنا طريقة نمسكهم بيها وهنجربها علشان
نقدر نطعمهم كلهم إن شاء الله.. عايزة أقولكم من الكلام ده إننا مسؤولين عن رعايتهم الصحية قدام ربنا.. وإن فيه حلول كتير أوي قابلة للتطبيق لحمايتهم وحمايتنا.. لأن تسميمهم جريمة وجريمة بشعة كمان ربنا هيحاسب اللي بيرتكبها حساب عسير.. اتقوا الله في المخلوقات الضعيفة دي يا بشر وارحموهم علشان ربنا يرحمكم دنيا وآخرة..
نقدر نطعمهم كلهم إن شاء الله.. عايزة أقولكم من الكلام ده إننا مسؤولين عن رعايتهم الصحية قدام ربنا.. وإن فيه حلول كتير أوي قابلة للتطبيق لحمايتهم وحمايتنا.. لأن تسميمهم جريمة وجريمة بشعة كمان ربنا هيحاسب اللي بيرتكبها حساب عسير.. اتقوا الله في المخلوقات الضعيفة دي يا بشر وارحموهم علشان ربنا يرحمكم دنيا وآخرة..
كلمة أخيرة.. أنا حرفيا ببقى طفلة صغيرة وأنا معاهم وفي وسطهم.. يعني متستغربوش من كلامي معاهم في الفيديو.. وبدعي ربنا إنه يحنن قلوب الناس كلها عليهم وإن الرحمة تبقى منهج حياة في المجتمع من تاني..
ليست هناك تعليقات:
إرسال تعليق