واطمنت كمان على كهرمانة
ريم أبو عيد
رحت أوزع الأكل على الكلاب كلهم زي كل يوم.. والحمد
لله ياقوت أكل براحته من غير ما مجموعة الكلاب اللي مع روكي تضايقه.. واطمنت على
سكسكة وجراويها وسوكة الجميلة.. وسمسمة وسمرا وسكر وسندس وصابرة وبودي وكل الجراوي
الصغيرين.. والمفاجأة إني أخيرا شفت كهرمانة مامة عنبر.. هي ولدت من كام يوم
ومكنتش عارفة مكانها فين.. بس شفتها النهارده واطمنت عليها.. والأهم شفتها بخير
وفرحانة ونشيطة.. وده فرحني جدا.. وفي لحظة شفت عيون صدفة في خيالي كأنها بتقولي
اطمني.. وبالليل حصلت حاجة كمان جميلة.. طمنتني على الكلاب اللي بيقعدوا ورا بنك
القاهرة.. ربنا دبر لهم أمور كتير علشان يقولي إنه معاهم وهيحميهم من شر النفوس
المؤذية.. وعلشان يقولي إنه استجاب دعايا اللي طول الوقت بدعيه إن يكفيهم شر الناس..
ليست هناك تعليقات:
إرسال تعليق