صدفة دايما بتيجي تبشرني بالخير - ريم أبو عيد

وكالعادة شفت صدفة بالصدفة النهارده الصبح.. وبقيت كل ما باشوفها بعرف ان ربنا يعتهالي برسالة جميلة منه.. تطمني أو تبشرني.. عيونها بتقول كلام كتير.. بفهمه.. واتفاءلت لما شفتها.. كنت رايحة نادي الصيد علشان اقابل مديره واقدم له مقترحات لحل مشكلة القطط هناك.. اللي انا اصلا مش شايفاها مشكلة بس علشان احمي القطط من أذى شياطين الإنس اللي للأسف بقوا أعضاء في النادي وبيحرضوا على تسميم القطط الغلبانة اللي هناك.. المقابلة كانت موفقة الحمد لله.. وطبعا لما رجعت من النادي ملقتش صدفة في الشارع.. دي عادتها تظهر فجأة وتختفي فجأة ومببقاش عارفة هي بتيجي منين ولا بتروح فين.. بس اللي بقيت متأكدة منه إنها دايما بتيجي وجايبة معاها رسالة حلوة من ربنا.. ومن الحاجات الحلوة اللي حصلت النهارده كمان إني  لاقيت هيرو وده كلب من الكلاب الأربعة اللي كنت عقمتهم.. اتنين فضلوا موجودين في شارعنا وهما روكي وياقوت.. وهيرو والكلب الرابع اختفوا وقت طويل.. دورت عليهم كتير معرفتش الاقيهم خالص.. لغاية ما النهارده حمزة صاحب سيزر ستور بعت لي صوره وفيديو عنه والعلامة في ودنه.. اخيرا الحمدلله اطمنت عليه..