سوكة وسكسكة
ريم أبو عيد
أختين حلوين.. أنا سميتهم سوكة وسكسكة.. كلبتين بلدي من كلاب الشارع عندي.. كانوا بيخافوا جدا لما حد غريب يقرب منهم.. ومبيتحركوش من مكانهم ولا بيلفوا في الشوارع اللي حوالين البيت عندي زي باقي الكلاب.. هما قاعدين دايما قدام شركة بترول قريبة من بيتي.. بدأت أقرب منهم بالتدريج وأودي لهم أكل زي باقي كلاب الشارع أصحابي.. بمرور الوقت سوكة وسكسكة بقوا أصحابي جدا.. وبقوا أول ما يشوفوني يجروا عليا يرحبوا بيا.. وبطلوا يخافوا عموما.. صداقتي لهم حسستهم بالأمان.. سوكة أنا طعمتها ضد السعار.. بس سكسكة لأنها حامل وقربت تولد فمينفعش تتطعم دلوقتي.. بعد ما تولد إن شاء الله هطعمها هي كمان ضد السعار.. كلاب الشارع يستحقوا كل الحب والاهتمام والرعاية والرحمة.. والحياة من حقهم زي ما هي من حقنا..
ليست هناك تعليقات:
إرسال تعليق